/////////+++وتعالى نتساراو+++/////////
وتعالى نتساراو لبلاد
نتمتعوا بسرار دوك لجداد
ونشوفوا ناسها وكل لعباد
هابلادنا في لقلوب اية
غير خليك يالعاشق حدايا
مغربنا ياك شلى فرجة
وجدة وازان تازة وطنجة
فاس مكناس رباط والبهجة
دار البيضا جديدة اسفي
هالبحر سهول وجبال ولفي
شلى ياسيادي وماتخفي
محلاك يابلادي بالصويرة
داخلة لالة وديك لكويرة
فيها ونديروا شي دويرة
وبني ملال فايتة لخيال
كل مدونا عالية ف العال
لعيون ساقية ذخيرة ف البال
شلالات وشحال كاثغري
يابلادي ف عيوني تكبري
في قلبي ومعمرة صدري
انت الحسن ياك في كل مكان
انت الاية وانت العنوان
بفضل المنان سحر الازمان
بقلم صقر الحروف الزجال المحجوب بوسبولة
ليست هناك تعليقات:
إرسال تعليق