سألت الناس؟
__________
لما قالولى
الأرض اتحررت
رجعت من وحدتى
عن الصحاب
عن أهلى
عن البيوت
ولما سألت الناس؟
استغربت السؤال! ! !
كان فيه هنا
النخله العجوز؟
كنت سايب هنا ارغول؟
وغناى والموال؟
ولما سألت الناس
استغربت السؤال! !!!
النيل كان هنا
لالا كان هناك
المكان غير المكان
الشمس هربانه
صرخت سألت الناس
استغربوا السؤال! !!
كلام ناس بلدنا
أصبح غير الكلام
رجعت أجري
بعدت عنهم
لملمت شنطتى
وخدتنى خطوتى
لمفارق السكك
ووقفت وحداني
زى عمود الملح
وسط الرمال
ولما سألت
ما لقتش ناس
الناقد
حمدى البوقي
ليست هناك تعليقات:
إرسال تعليق