قصيده بعنوان [يالهوى ع الأسعار ]
الدكتور عايز كوم
والفواتير بالجرون
وع المدارس ربك يعينا
مصاريفها واللا بالشوال
الفراخ تقول رومي
من الخضار قطعت هدومي
من الأسعار جن جنوني
نار يا حبيبي نار
اللحمه بيقولوا ١٦٠
والفلوس صبحت ملاليم
راحت ياخي ع المسكين
حكاوي واللا في الأفلام
زمان مصروفنا كان قروش
تلاقي البركه ف الفلوس
نبيع ونشتري وقت م نعوز
وحشتنا واللا الأيام
الجيوب تعبي وتفضي
وحالتي ياخي صبحت علي قدي
طول الليل بشكو لربي
عيشه واللا تجيب العار
طعم العيشه صبح مر
فقر ومرض صاب الكل
جوا قلوبنا مات الحلو
وعشعش فيها المرار
يا حكومه بقي حسي بينا
كفايه منك استكفينا
دا اللي فينا مكفينا
اتخنقنا م الأسعار
شاعر العاميه
نبض الصعيد الجواني
خليفه الابنودي
ادهم السمهودي
ليست هناك تعليقات:
إرسال تعليق