:حلم جديد:
______
______
بص يمينه
يمكن يلمح ناس واحشينه
فجأة لمحهم
بس ما كانش مصدق عينه
قرب منهم دقق فيهم
لكن ما كانوش شايفينه
اقرب اكتر كان بيفكر
ازاى عاملين مش فاكرينه
و استنى كتير يلمس ايدهم
و من لمسة ايدهم كانو مانعينه
ثم سألهم عن احوالهم و لسان حالهم
كان بيقول ما كانوش بالعينه
هما اساسا كانوا عارفين بالغالى شاريهم
لكن هما ببلاش بايعينه
و كمان على طول كان يسألهم فينكم
مالكم ايه اللى جرالكم و لا مرة بيسألوا كان فينه
و بيكتب الحان افراحهم وقت فرحهم
و لحن همومه وقت همومه هما كمان دايما عازفينه
كانوا باردين طبعا كالعادة و كان هيموت
من صدمته فيهم لما لقاهم كده ناكرينه
بس قدر يتمالك نفسه بحضنه لنفسه
ويهزم يأسه و قرر ينسي ما دام ناسينه
قرر يحلم ((حلم جديد))على اد الإيد
و يحاول يتأسف لسنينه
و قرر لما فى يوم يتكلم
يتكلم مع ناس سامعينه
قرر برضه لما يشفهم يغمض عينه
لو صدفة لمحهم لو بص يمينه
يمكن يلمح ناس واحشينه
فجأة لمحهم
بس ما كانش مصدق عينه
قرب منهم دقق فيهم
لكن ما كانوش شايفينه
اقرب اكتر كان بيفكر
ازاى عاملين مش فاكرينه
و استنى كتير يلمس ايدهم
و من لمسة ايدهم كانو مانعينه
ثم سألهم عن احوالهم و لسان حالهم
كان بيقول ما كانوش بالعينه
هما اساسا كانوا عارفين بالغالى شاريهم
لكن هما ببلاش بايعينه
و كمان على طول كان يسألهم فينكم
مالكم ايه اللى جرالكم و لا مرة بيسألوا كان فينه
و بيكتب الحان افراحهم وقت فرحهم
و لحن همومه وقت همومه هما كمان دايما عازفينه
كانوا باردين طبعا كالعادة و كان هيموت
من صدمته فيهم لما لقاهم كده ناكرينه
بس قدر يتمالك نفسه بحضنه لنفسه
ويهزم يأسه و قرر ينسي ما دام ناسينه
قرر يحلم ((حلم جديد))على اد الإيد
و يحاول يتأسف لسنينه
و قرر لما فى يوم يتكلم
يتكلم مع ناس سامعينه
قرر برضه لما يشفهم يغمض عينه
لو صدفة لمحهم لو بص يمينه
"محمد مبارك"
ليست هناك تعليقات:
إرسال تعليق