بقلم ....الأديب / عادل رشاد /

 تخاريف للأديب * عادل رشاد

************************ قول ياقلم ** ياقلم قول

قول ياقلم على اللى جوه القلب موجوع ** قول بس اوعى تدارى الوجوع **وماتدوس على الألم لحسن تزيد الوجوع

قول ع الأسى والأنين ** قول على مُر السنين ** قول يا قلم مين فينا بيحب الألم ؟
مين عدى عليه اليوم وما عاشِ لحظه بالأمل ؟

قول ياقلم مين ع الطريق مال ** ومين ع الطريق خان ** ومين كمان كان كل همه يشيل الآلآم ؟

قول ياقلم ياللى مليتك بدل الحبر بستان أمل ** طلع الأمل من سنك مليان آهات ودموع وشجن

** ومليون آآآه على اللى راح من عمر الزمن **

قول ياقلم حكايتك ايه مع الزمن ؟ ** فاكر لما كنت بتكتب موال ؟ ** لما حكيت عن كل العشاق ** لما كلمت العين وقلت لها كفايه بكاء وأنين **

فاكر لما بثيت الأمل فى قلوب المساكين ؟

افكرك كمان ياقلم ولا كفايه كلام ؟ ** طيب أحكى ياقلم إنت عن الأنين ** عن شوق السنين **عن كل آه كانت فى كلامك وكتبتها حروفك

حاول ياقلم تداوى جروحك ** ولا انت عارف ياقلم ان الورق مابيرتويش غير بدموعك ؟ **

نفض همومك يا قلم وتعالى نعيش سوى بالأمل

ايه رأيك هاجبلك قهوتك وأشغلك غنوتك ** ده فيروز كل يوم الصبح بتحب تسمعك غنوتك ** إطربيه فيروز يمكن يلين ويحن للكتابه غصب عن الأنين

قولى له راجعين ياهوى ** ولا اقولك قولى له شايف البحر ** بس بالله عليكى لا تقولي له كيفك إنت

هايشعر بالأنين ويا الألم وهاتنزل دموعه مداد تملا القلم

يلا ياقلم اكتب وبلاش تكتم طيب بلاش تكتب ياريت تصرخ ** أصرخ وطلع الآه من جواك ** وهى هاتجيب لك كل الأمواج

فاكر ياقلم لما نسمته داعبتك وميته بلتك ** فاكر لما الموجه جاتلك تضحكلك ** فاكر لما الشمسيه جت جنبك تاخد من ضلك

يلا ياقلم نفض غبار الزمن وقول وانسى كل الألم ** سمع الناس حكاويك -**وهات معاك مواويل

قولهم يالليل ياعين يالليل آه يالليل ياعين ** ده الحادثه اللى جرت والحب راح فين **

هى الميه اتبخرت ** ولا القلوب اتحجرت ** ولا البُنيه مشيت خلاص واتمخطرت **وكلمات الحب كمان اتبعترت ؟

قول ياقلم ده كل حرف ليك بيداوى مليون ألم ** أوصف تانى الجمال وياريت تتكلم عن الحنان

قول الكلمه اللى من حرفين الحاء من جوه القلب والباء قافله عليه

اروى ظمأهم ياقلم فحبايبك عطشى لكل حرف من حروفك يا قلم

بس أرجوك من غير أنين ولا ألم

قول ياقلم -- ياقلم قول

تخاريف
للأديب / عادل رشاد