غريبة... بقلمي عبدالله رجب ابوعدنان
غريبة إنك عاجناني وخابزاني
ضيا ليلي وشمس نهاري
الضحكه ف عيوني
ولو كل الناس ظلموني
وحتى لو باعوني
انتي الوحيده اللي شارياني
غريبة والأغرب كسوفك
انا ضيك انا طيفك
يا حبيبتي اشيل منك خوفك
واخدك تملي ف أحضاني
غريبة وعمري كله ليكي
زي طفل متعلق بيكي
امريني وانا اجيكي
يا كل أوطاني
غريبة بحبك ومش قادر اقولها
ابص ف عنيكي ودموعك امسحها
الضحكه على شفايفك لسة مطرحها
المس اديكي وروحك افاتحها
واخاف لو يوم تنساني
غريبة دقات قلبي سريعة
غيابك ثانيه فراق ووجيعة
ف كل اوقاتك حلوة وبديعة
حتى لما تزعلي دلوعه وفظيعة
وف كل مكان شايفاني
غريبة لما اقول بحبك
مارتاح إلا ف حضنك
ومانام إلا على حجرك
حياتي وروحي جمبك
يا عمري وزماني
غريبة لو مش مصدقاني
بيكي اعدي أحزاني
لو نسيتي يوم حناني
غريبة إنك عاجناني وخابزاني
وحتى لما اكدب عليكي
تفضحني عيوني
والضحكة سابقاني
غريبة.... بقلمي عبدالله رجب ابوعدنان
ليست هناك تعليقات:
إرسال تعليق