لمغروره
ــــــــــــــــــــ
صبري عليكي فاق عمر شجر الزيتون
لا قادر اتحمل غــدرك ولا قادر أكون
زي الجمل صابروخايف من المخزون
جوايا لو خرج تكــون نهاية الكـــون
لو كنتي فاكره اني لسه بحبك
أو متيم وبتمني لحظـة قربك
تبقي عبيطة والغرور واخــدك
لحظه طيش كان فيها سعدك
مالك بتلفي علينا وواخدانا بالدور
فاكره نفسك أنثي وشكـــلك أمور
فوقي لنفسك وبصي في مــرايتك
ماتتصدميش لما تشوفي طــــــور
بصي الأول واتأكدي من شكلك
الضب خارج ياخـــوفي لاياكلك
لو عيلتك اتزنقت مره في العشا
صينية بطاطس بأنفك وشفايفك
كل حاجة فيكي ضخمه جواميس
شلاضيمك ومنخارك زي الترابيس
كل اللي يشوفك لازم يستغـــــيث
اسمك في شــهادة الميلاد عتريس
إوعي تصدقي اني في يوم حبيتك
انا كنت قـــرفان وانتي اللي لقيتك
قلت ياواد ماشي أجبر بخاطــــرها
وياريتني ماجـــــبرت يخرب بيتك
كلــمه تانيه زيادة حتي لو تلميــــح
عندي دليل هانشره واضح وصريح
ماتعمليش عفيــــفة عليا أنا سيدك
أظن إن كلامي مش محتاج توضيح
لما تحبي تستظرفي وتباني محبوبه
قآل وإنك من الجميع نغه ومطلـوبه
يادبشه علي الرصيف واسمها طوبه
يافاكهة تحت الشجر بايره ومعطوبه
إوعي تنسي نفســـــك وتلعبي ويايا
دانتي ليكي عندي الف ذلة وحـكايه
لو فكرتي يوم عـليا ترفــــعي راسك
هاخليكي بين العباد مسخه وسلايه
ــــــــــــــــــــــــ
كفاية كدة دلوقتي
السيد حماد
ليست هناك تعليقات:
إرسال تعليق