. من السحر
لمحتها صبية بثوب العشرين
بدر منور و الخلقة تمام
نسايمها عجيبة بترد الروح
هيك شفتا ببلاد الأحلام
خلقها الرب اتأنى و كونها
ناعمة و طيبوبة يا سلام
سواد الليل كحل اهدابها
للحب تغمز وترمي بسهام
سحر الغفى ساكن جفونها
نوم الهنا بريش نعام
عطر هادي لاحق خطواتا
أسرني وعمل إلفة وإنسجام
مش قادر أبداً إنساها
سهرتني الليل وحرمتني المنام
وقت كنا نجتمع سوا
قلوبنا تدق و تحكي كلام
بتطلع بعيونها واتأمل
حاكيها و يحضر للشعر الهام
لفت الساق على الثاني
تيبان العاج وعمدان رخام
صدفة فكت عقدت لساني
طلبت راقصها بكل إحترام
يدها بالرضى قدمت شبكتني
همست إلها بدي لهاتفك أرقام
مكتوبها رمت على الأرض
مدون أنا سحر عالم الأوهام
.. غانم ع الخوري ..
ليست هناك تعليقات:
إرسال تعليق