بقلم ... الشاعر محمد حسنين .. من روائعه // عاشق طين بلدي //

عاش الجندي المصري البارع
حامي لوطنه وعليه بيدافع
طالع من بيته راجع او مش راجع مش فارقه معاه
اي حياه وديما تلقاه عاليه ورافع
ايده لربه
يطلب مدده
يحميله وطنه
ويموت علي حده
زي ابوه وجده
قالها وسامع
الجندي المصري البارع
عايش لبلدنا
بيحمي ولادنا
وبيعيد امجادنا
وزي ماقال اجدادنا
شعارنا كنيسه وجامع
وايدنا في ايد بعضينا
ندعي يا ربنا قوينا
نطهر اراضينا
يارب احميلنا
الجندي المصري البارع
لازم تعرفوا ياولاد
ان انتوا خير الاجناد
وربنا ديما جواد
بيحمي وطنا بيكوا
الجندي المصري البارع
ايد بتدافع والتانيه بتخضر
قائد فالجيش وشيخ فالازهر
حافظ القرآن
حامي الصلبان
كل الجدعان
عارفه الاوطان
بجنودها الشجعان
بس بتكبر
الجندي المصري البارع
امه تقوله بلدك عرضك
ورملها وترابها اختك
وحياة الرب اللي خلقك
وجعلك فدوه لتراب بلدك
انت الجندي المصري البارع
عمره ماخاف من الموت
وينادي بأعلاها صوت
الله اكبر لوميت مره ح موت
بلاها اللقمه وبلاه القوت
مصر ياغاليه يارايه فوق عاليه
مرفرفه متزخرفه بدم شهيد مايموت
تعيشي ويموت اللي يموت
ذكرك ربك رب المالكوت
والجندي المصري البارع
حامي كنيسه وحامي الجامع
حامي لوطنه وعليه بيدافع
بقلمي/
محمدحسنين
عاشق طين بلدي
مصر