لسه في قلبي..
كام اه مش راضية تروح
كام باقي جروح
فضلت شايلها ف وقت فراق
و اهي زي الداء
وأنا خايف بيها أبوح
مش معني إن أنا مجروح
إني خلاص ما بقتش اشتاق
انا لسه بحن لماضي كبير
وحشني كتير
تعرف..!؟
قبلت إمبارح عم سَمير
خدني في حُضنه وقال..
اذيك والله كبرت
أخبارك عامل ايه
والله الحمد لله.. وانت ازي ألأحوال
انا عال العال!
ايه الدنيا وأحوالها معاك
يعني..
تقدر تقول ماشي الحال
حزنت في نفسي وخبيت
سرحت وقولت أحكي معاه
مَمرتش لحظة فقال..
تتمشى شويه..
رديت والله ياريت
انا خايف تتعطل.. رايح فين؟!
ولا رايح ولا جاي
قولت أخرج حبة من البيت
أصل انا عاطل من فترة
يعني ماوريش أشغال
فأخدني قعدنا على القهوة
وشربنا سحلب ورى قهوة
واهي ضحكة ولهوة..
و سيجارة اهي جابت ذكرى
على كام فكرة
يمكن هتكون مشروع
واهي بكره هتكبر بالأيام..
ويكون ليها فروع
وبنقطع في الأحلام.. لما باقول عايزة فلوس
طب ياأخي سِبني أكمل..
معلش أصل انا منحوس
ومافيش في حياتي جديد
شكلي هيفضل حالي مقلوب
طب يلا تأمرني بشيء
ما لسه بدري
لا انا همشي يا دوب
هشوفك بكره.. دا بكره أكيد
يلا سلام..
لسه هاستنا بكره اقعد وياه
مصدقت لقيت حد أحكي معاه
راجل عجوز.. لكن فيه شيء لله
نفس الشيء.. ونفس الضيق
نفس الحزن على ابوه
نفس اللي الاتنين داقوه
قاعدين على طول سوا
او مشين بيقابلوا الهوا
بدل الحبسة اللي تغيب
مهو عم سمير راجل طيب
غلبان مافيهوش شيء يتعيب
هو بس وحيد.. من بعد وفات زوجته..
وعيالوا لما سابوه
انا وهو واحد
نفس الاحزان.. بهتان الألوان
وشوق لناس زمان.. ايام ما كانوا بيحبوه.
كام اه مش راضية تروح
كام باقي جروح
فضلت شايلها ف وقت فراق
و اهي زي الداء
وأنا خايف بيها أبوح
مش معني إن أنا مجروح
إني خلاص ما بقتش اشتاق
انا لسه بحن لماضي كبير
وحشني كتير
تعرف..!؟
قبلت إمبارح عم سَمير
خدني في حُضنه وقال..
اذيك والله كبرت
أخبارك عامل ايه
والله الحمد لله.. وانت ازي ألأحوال
انا عال العال!
ايه الدنيا وأحوالها معاك
يعني..
تقدر تقول ماشي الحال
حزنت في نفسي وخبيت
سرحت وقولت أحكي معاه
مَمرتش لحظة فقال..
تتمشى شويه..
رديت والله ياريت
انا خايف تتعطل.. رايح فين؟!
ولا رايح ولا جاي
قولت أخرج حبة من البيت
أصل انا عاطل من فترة
يعني ماوريش أشغال
فأخدني قعدنا على القهوة
وشربنا سحلب ورى قهوة
واهي ضحكة ولهوة..
و سيجارة اهي جابت ذكرى
على كام فكرة
يمكن هتكون مشروع
واهي بكره هتكبر بالأيام..
ويكون ليها فروع
وبنقطع في الأحلام.. لما باقول عايزة فلوس
طب ياأخي سِبني أكمل..
معلش أصل انا منحوس
ومافيش في حياتي جديد
شكلي هيفضل حالي مقلوب
طب يلا تأمرني بشيء
ما لسه بدري
لا انا همشي يا دوب
هشوفك بكره.. دا بكره أكيد
يلا سلام..
لسه هاستنا بكره اقعد وياه
مصدقت لقيت حد أحكي معاه
راجل عجوز.. لكن فيه شيء لله
نفس الشيء.. ونفس الضيق
نفس الحزن على ابوه
نفس اللي الاتنين داقوه
قاعدين على طول سوا
او مشين بيقابلوا الهوا
بدل الحبسة اللي تغيب
مهو عم سمير راجل طيب
غلبان مافيهوش شيء يتعيب
هو بس وحيد.. من بعد وفات زوجته..
وعيالوا لما سابوه
انا وهو واحد
نفس الاحزان.. بهتان الألوان
وشوق لناس زمان.. ايام ما كانوا بيحبوه.
"محمد مبارك"
ليست هناك تعليقات:
إرسال تعليق