ياعيني عاللي اتبهدل ومكانش ده شكله
شال الطين واتعذب قال يعمل بأكلهداقت عليه وزنقت قرب يموت م الجوع
كان مين يقول اللقمه تصبح اكبر مشاكله
****
عايش على فيض الكريم في حتة عشه ايجار
لا ام فاتت له ورث ولا اب بنى له دار
ان كالها بملح ببحمده معدن اهي اتعشت
وعمره ليله مابات شايل هم الفطار
****
يادنيا كفايه ارحمي عزيز قوم ذل
ياما طفح الكوته وشرب مرار الخل
مستني بكرى تحلى وسنين علي دا الحال
عريان بهمومه متغطي فكر في عيشته اتشل
****
عاش الولد شقيان ولاهيرو في شبابه
بالاسم كان يتطلب طوابير على بابه
فقد الاسد قوته ركبت ظهره القرود
طق مات م الحسره عاضض علي انيابه
وعجبي
****
تحياتي/وائل محمد علي محمد
ليست هناك تعليقات:
إرسال تعليق