غلابه
بقلمي / عبدالحميد السماحي
إشكي مهما تشكي
إحنا فيها برضه غابه
ابكي ومهما تبكي
إحنا ليها من الغلابه
بالدموع ولا الهروب
مفيش لينا مهابه
مقفول علينا ضلمه
تقول ماتت الاستجابه
صار الحلو قاصر
وصار له المر أصابه
وصارت العتمه تقسى
ونزل الدم لركابه
والوحوش باتت تعوي
تنادى فريسه يا أبا
والنياب باتت تغطي
كل حته فيها ترابه
والغربان بالشجر تنادى
إنزلوله دا أول بوابه
أقتحموا كل جسمه
فرقوه على القرابه
أعملوه عبره لجنسه
وماتنسوش إن إحنا فى غابه
والله وراح أسمي
وعظمي بقى فى الخرابه
بس باقي سرتي
وحرتي آه من العصابه
ماعملت غير الخير لربي
يجازيني مع الغلابه
** *** **
ياليل يامداري
ياحزن امتى تموت
الكل عمال ينهش
عمال فينا يشوط
من حزن كل الأمه
أقول أمته أموت
تاهت فينا الرحمه
وتوهنا علشان القوت
والزمن عمال يجرى
بيبلعنا زى الحوت
بقينا مع الغلابه
** *** **
ياجو أمته تصفى
والطيور علينا تفوت
والبلبل علينا يغني
الكروان معدلوش صوت
والحدايه عماله تنده
أنهشوا حتى القوت
والأرض صبحت أسيره
أخدوها هما اليهود
مابقت مع الغلابه
** *** **
ياجندى شيل السلاح
ماتخفشي من الأصابه
يحرم علينا النوم
ترجع زى سيناء وطابه
تنزل علينا الدموع
للقدس أرض العروبه
علشانها أموت شهيد
من هنا أرض الكرامه
ياقدس ليه مع الغلابه
** *** **
ياعربي خلي نفسك طليقه
لسه ماشي تفتش عالحقيقه
ماهى قدامك أمر واقع
ضربونا وأخدوا الحديقه
حدايه وغربان وصقور
حطوا فى نفسنا لبعض المسيئه
ولسه ماشي تفتش عالحقيقه
إنت برضه مع الغلابه
** *** **
خلي قلبك لربك كبير
كلم بيه حتى العصافير
إن نزل بيك الهم عدي
ليك عنين مانتش ضرير
أو زنزانه برضه هطير
واقف جنب الغلابه
ماهما فى الأصل غلابه
** *** **
نعم ياللى قدومك
كان قدوم الخير
من كتر ظلم نفسي
عملتلي خط سير
بقيت فى الدنيا ماشي
بجناحين الطير
انصر اللى انحرم
حاضر يا أمير
ونبكي على الخطيئه
نرفع شأن الغلابه
ونكون للدنيا أخره
مع النبي والصحابه
بقلمي
عبدالحميد السماحي
مصر / محافظة كفرالشيخ
قرية الشمارقه
ليست هناك تعليقات:
إرسال تعليق