بقلم ... الشاعر سيد الحلواني

 طلعلي العفريت...

وكلمني...

وقالي شبيك لبيك...

أنا العفريت الجبار...

أجيب لك أي حاجه من...

غير ما تتعب أو تحتار....

قلت له ممكن أبقى...

غني قالي....؟؟

عايز كام مليار...

وعايز قصر على...

النيل وأبدل...

الفول بكافيار...

وأركب أحسن عربيه...؟؟

قالي أجيب...

وأنت إختار...

وعايز عروسه جميله...

مش غفر زي...

اللي في الدار...

وأشوف اللحمه...

بعنيا لحمه بجد...

مش لحم حمار...

قالي العفريت عايز...

حاجه تاني...؟؟

أنا ورايا مشوار...

مستعجل ليه...

يا عفريت...

أنا كل اللي...

طلبته هزار...

قالي العفريت...

انت بتهزر معايا...

أنا ااعفريت الجبار...

قلت له طلب...

واحد وأمشي...

بعدها في أول قطار...

قاللي قول...

تعبتني قلت له...

إقنع الحمار...

إنه حمار...

صرخ وقاللي...

أجيب لك كل حاجه...

وأقلبلك القطر حمار..

وأعملك من...

الفسيخ شربات...

وأخللي المانجه خيار...

وإبعدني عن اللي في بالك...

لأنه مهما قلتله...

برضوا حمار...

وسابني إبن...

الموكوسه وجرى...

وما جابليش حتى خيار...

ياترى إمتى الحمار...

يعرف إنه حمار...

بقلمي /

سيدالحلواني

سيد الحلواني