يوميات صايع/عباس صالح
الحلقة التاسعة عشرة
_________________
صحيت من النوم على صوت تليفون ملك
ملك / الو يا احمد انت لسه نايم اصحى وخد شاور النهاردة خدنا إجازة الشركه كلها حناخد البنات وابن خالتى وانت ونقوم برحلة حنروح البرج وكوبرى قصر النيل وناخد مركب ونعمل جولة فى النيل
أنا/ يعنى لما تنوى نخروج تختارى الوقت اللى ابن خالتك الرخم ده يكون معنا وواخدة له كمان البنات علشان يهيص وينبسط لما اشوفك يا ملك
بعد ساعة ملك بترن بجرس العربية
انا نازل يا ملك
العربية بتشيل خمسة راكب بملك
تعالى جمبى يا رخم
خالد / أنا حاركب ورا مع البنات
أنا/ بتقول ايه يعنى ياخدوك على حجرهم اسم الله تعالى جنبى يا رخم كان المفروض اكون أنا لوحدى مع خطيبتي
خالد / يا سيدى كلها ربع ساعة وتكون معاها ولا ارجع ورا مع البنات
أنا: اترزى هنا جمبى وماسمعش تانى صوتك شغلى لنا حاجة حلوة يا ملك نهدى بيها اعصابنا
شغلت ملك اغانى عبدالحليم
أنا لك على طول خليك ليا
اول مرة تحب يا قلبى
صدفة كان يوم حبك اجمل صدفة
اميرة / شغلى لنا يا ملك عليادى
لنجاة
ملك / معنديش بس انا حاغنييها لكم وانتو تردوا ورايا
عارفينك يا حب جرىء و لا بحرك بينجى غريق ولا بعدك بينجى غريب لا يا قلبى كله الا دى منستحملش قسية
وصلنا البرج وركبنا الاسانسير
نزلنا فى الدور الثامن عشر
دخلنا الكوفى شوب
ملك/ ما تضايقش خالد يا احمد
سيبه يندمج مع البنات يمكن ينقى منهم واحده وخليك معايا هو احنا موش مخطوبين يلا بادلنى الحب غازلنى قول لى شعر احكى لى عن نفسك
أنا / حاضر يا ملك
اليوم عدى الحمدلله عملت بنصيحة ملك واندمجت معاها واتغزلت فيها بادلتها كلام الحب وسمعتها قصايد شعر
كان يوم جميل ملك وصلت البنات وصلتنى البيت وودعتنى
أنا / اشكرك على الفسحة يا ملك
سلام يا خالد خلى بالك من بنت خالتك
خالد / دى فى القلب يا احمد
أنا/ امشى امشى يا رخم
-------------------------------
انتظرونى فى الحلقة القادمة
عباس صالح
ليست هناك تعليقات:
إرسال تعليق