بتسأليني
ليه ياعمري قلبي ليكي مال
أنت فهمانه السؤال
قلبي لما شاف عيونك صال وجال
صابو سهم من الدلال
وانشغل ويا الخيال
قلبي حبك وانشغل
والحنين من القلب سال
اياك تقولي اني كلامي بطال
قلبي عايزك فى الحلال
يتاقلك بالدهب مش بالمال
انا طبعي طويل البال
لاابن عم ولا ابن خال
انا قلبي حمل الجبال
صبري فاق صبر الجمال
غيور حتى من الطرحة والشال
صورتك مربوطة جوه قلبي بالحبال
أيوه ياعيون الغزال
قلبي طالب الوصال
ولا انت بعيد المنال
بعدي عنك شيء محال
ياساكنه الحته الشمال
لجلك بغني الموال
حبي فاق حب أجيال
لسة بردو بتسأليني
ليه ياعمري قلبي ليكي مال
(((أسامه جديانه)))
ليست هناك تعليقات:
إرسال تعليق