ف ناس 83
ف ناس واقفه دايما ف طريقنا بتجرحنا وعايشه عشان تتعبنا
من أشغالنا تفصلنا وبتقول كلام بعد ما خدمنا سنين حياتنا
وعشنا معاهم وعارفين شخصيتنا لكن للاسف اول ناس كانت سبب ف انهيارنا
ونزول دموعنا لا قدروا جرحنا ولا طيبة قلوبنا واستغلوا ضعفنا وحسن نيتنا
وطاردونا من أشغالنا بعد ما خلاص فرحنا وحاسينا بنجاحنا
وفجأة تنتهي بفراقنا والدمع ملي وجوهنا ونعرف الحقيقة وماحدش فيهم يعرفنا
بعد ما كنا ف ايديهم زي اللعبه نقول حاضر والآخر نفوسهم مش صافيه وبسهوله تبعدنا
لكن ربنا موجود ومقدر ظروفنا وهايجي عليهم يوم وهايشربوا من نفس الكاس اللي شريوهنا
وربنا موجود وقادر ينصرنا ويرجع الفرحه داخل قلوبنا وينتقم من كل ظالم كان سبب ف استبعدنا
الكوره لسه ف الملعب والدنيا زايله والموت ف انتظارنا وهانشوف نهاية ظلمنا وخداعنا
يارب انت الوحيد اللي تقدر تغير من حياتنا وترزقنا بناس تحس بينا وداوي أوجاعنا
مالناش غيرك ف الدنيا وتقدر تسعدنا وتعوض علينا باللي يسعدنا ويريح بالنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا...
مع فارس الكلمه/ الشاعر طاهر مختار عتيت
شاعر العصر .... تحيا مصر..... الاحساس و بس
كفر الزيات........اكوه الحصه
ليست هناك تعليقات:
إرسال تعليق