بقلم ... الشاعر / يوسف الدباك جعجع /

انا انسان مني اعتيادي
قتلني مولدي بيوم الولادي
لكن عاد وبموتي حييني
وتركني طفل عالأوهام دادي
روح اللي بقفص صدري سجيني
عبدي وعم بتحلم بالسيادي
وطافر من مديني عا مديني
فراشي الشوك والبحصة وسادي
عيوني بحر والبوبو سفيني
لطمها الموج عا صخرة عنادي
خدودي جبال قمتهم جبيني
شفافي سفوح دقني كعب وادي
راسي كوكب الأرض ويميني
قبالو خط بيضاوي رمادي
وعا كوكب هالأرض بحلف يميني
بلادي مش مواقع عالخرايط
لاني روح مجهولة بلادي

يوسف الدباك.جعجع