*** ثلج وعصفورة
الثلج غطى أرض الدار
والعصفورة .....بردانة
في بقلبا عدة أسرار
ما بتحكي لواحد ثاني
لكنها خافت..... تنهار
وبلحظة تضيع الأماني
قالتلي دخلك يا جار
لو متنا منرجع تاني
قلتلا وفكري .. محتار
من قلبي وقال لساني
انتوا معشر الأطيار
بتعطوا حب وتفاني
و بظني رب الأقدار
إلكن عندو .... مكانه
عطاكن لحن ومزمار
و زرتوا كل البلدان ِ
بحلفلك على المزار
الجنة فيكن حلياني
سمعت مني هالأخبار
صارت عصفور ثاني
حست جسما مثل النار
وطارت عني فرحانه
.........
*** مزهر عريج
ليست هناك تعليقات:
إرسال تعليق