ف ناس تايه وسط الزحمه
ف ناس تايه وسط الزحمه لا ليهم مكان ولا حتى فرشه
كل يوم ف شارع وسكه والدنيا بالنسبالهم ملهاش عازه ولا لازمه
زي القطط تنداس ف وسط السكه ومافيش لا عطف ولا شفقه
والغنى عايش ف مولد وغفله مايعرفش غير سعر الأسهم والبورصه
ومش عامل حساب لرب الكعبه يشوفه بس من ورا ازاز العربيه وقت الإشاره لما تكون قافله
مافيش احساس ولا عامل حساب للاخره والدنيا بالنسباله هي الجنه
وسكي وخمره وكنياك وشمبانيا وحريم ع بابه بالجمله
ولما يحس بالمرض يعمل صدقه جاريه ويفتكر أن ف ناس دموعها من الفقر سايله
ولما يشفى مافيش لا عظه ولا عبره وبرضوا يحب متع الدنيا وصاحب رغبه
فاقد العقل والحكمه وبدون رحمه وحاسيس دايما بالفرحه
كل يوم فلوسه بتكبر وكل شئ ف حياته مغلفه وجاهزه
لكن فجأه يحس بالعمر اللي عدى لما زنبه بيكير وكل يوم جلسه ومن دوله لدوله
لكن خلاص انتهت الرحله والعيون مش شايفه وغيبوبه بصفه دايمه
الإبن فرحان ما هو أبوه فاضله تكه.وهو يكون صاحب شركه
ونفس الحكايه ونفس القصه وأصبحنا داخل دائره
لا بنراعي الفقير وعايشين الحب والغرام وممارسه الرغبه
ناس داخل صفوف الدنيا مهما بكوا مافيش منا ليهم نظره عطف ولا شفقه
وفلوسنا داخل جيوبنا واتمنعت الصدقه مهما طالت أيامنا برضوا لينا يوم هاتنتهي فيه المعادله
ونشوف بعيونا عيوبنا وأخطأنا ونبدأ مع ربنا بدايه الجلسه وقدامنا النار والجنه
دي حقيقه وشاعر العصر بيوضحنا ونشوف مين فينا في الأخره صاحب الجايزه
مع فارس الكلمه.... الشاعر طاهر مختار عتيت
شاعر العصر. ..مصر.... الاحساس و بس
طنطا....كفر الزيات....اكوه الحصه
ليست هناك تعليقات:
إرسال تعليق