يا عناديه
يااااااه
انا ياغنوه دايب دوب
ومن غيرك حياتي غروب
ماهو الماضي مافيش غيرك
وانتي بكرا والمكتوب
حاقول كلمه وماتتخانقيش
ولا الصوت اللي حياني
بلسان زغلول وسماني
يحدف طوب
انا الورده اللي كات جاتلي
شايلها لسه في كتابي
عشان يوم انتي ماتشاكلي
باشوفها ياروحي عنابي
ساعات باشوفها كدا ضلمه
اعافر اني ارميها
ماهونتي ساعات كدا ظالمه
لكن واحده باموت فيها
باقولك ايه
ماتيحي تاني نتخاصم
عشان طعم البعاد بوريه
عشان بكرا اما نتصالح
تشوفي قلبي ايه مخبيه
شايلك نهدتين اشواق
ياقطة قلبي انا خناق
وبتدوبي ف طقاطيعي
لو قادره ف يوم بيعي
مانا الورده ودا ربيعي
يميل غصني علي غصنك
وتسكن روحي في قلبك
واموت واتمني يوم عندك
ياعناديه
ياساكنه المهجه وعنيه
ليست هناك تعليقات:
إرسال تعليق