يابنت الايه
؛؛؛؛؛؛
ماشيه بتدبي ولا همك
اهي بكره الارض راحه تضمك
وتشوفي حسابك ودفاترك
ولا نقدر ابدا نداريه
اصحي وفوقي
يابنت الايه
؛ ؛ ؛
الدنيا كوره ودواره
وكواكب شايفين محتاره
وكراسي ثابته بجداره
بتقلب في الناس بشطاره
ومحدش عارف فيه ايه
اصحي وفوقي
يابنت الايه
؛ ؛ ؛ ؛
بيتك وعيالك ضميهم
من شهد حنانك واسقيهم
وبلاش المستورد يااختي
علي قد لحافك مديهم
والا انتي اتعودتي عليه
اصحي وفوقي
يابنت الايه
؛ ؛ ؛ ؛ ؛
دي صلاتك احسن في البيت
مع جوزك حبك ديناميت
في الشارع ملكه ترانزيت
وهدومك من احسن بيت
وجمالك من فين تلاقيه
اصحي وفوقي
يابنت الايه
؛ ؛ ؛ ؛ ؛
الحب يابنتي تعويذه
مش كلمه وقاعدة ترابيزه
ولا نظره في سهره وبريزه
خليكي في حبك فريزه
هتبصي في قلبك تلاقيه
اصحي وفوقي
يابنت الايه
شعر
ابراهيم صبحي سيداحمد غانم
سفير السلام الدولي وشاعر
سفير القلم الذهبي
مصر
ليست هناك تعليقات:
إرسال تعليق