أنا أتعشمت في الفرحه
وجاتني هي بالطرحه
لكن طرحه بلون الليل
عليها دم ابني قتيل
وبصبر مهما يحصلي
ومهما يزيد ليلى ليل
......
دي كان فرحان وراجعلي
وغازل من الامان حلمي
خساره راح كدا في ثانيه
علي غفله.......وواجعني
وبردو صابره يازماني
وهتحمل وجع تاني
......
بقالي كتير بتحمل
واقول بكره تتعدل
وبحلم صبري يوم ما
يمل
ويجي بكره يكسرني
وبردو لسه بتحمل
........
دموعي ماليه نهر النيل
واولادي بتغرق فيه
اصحي كل يوم بقتيل
وتاني بيبكي بجروحه
خلاص الحمل هد الحيل
وانا ببكي وانا صابره
.......
عزه السيد
ليست هناك تعليقات:
إرسال تعليق