رجال فى القنال
الله عليكى يا ايفرجرين
عرفنا مين المصريين
أسود نمور
صقور نسور
عقول ذكيه ومحترفين
قالوا هتنامي
فى القنال
شهور وسنين
والعالم هيخسر
مليارات بدل الملايين
قامت رجال
قالت محال
تنام مكانها
يوم واتنين
شالوا الرمال
هدوا الجبال
من حواليها
شمال ويمين
زادوا الوصال
شدوا الحبال
بقاطرات ومهندسبن
والحلوه عامت
من نومها قامت
على تكبير المصريين
فوق القنال
ماشيه بدلال
تنشد عاش المصريين
مشت الأميره
وفراسها حيره
وميت سؤال
وميت تخمين
دارت شمال
لفت يمين
حلفت يمين
أبدا ما أنسى المصريين
حقك يا مصر
في هذا العصر
من القنال
مش خمسه بس
فوق الخمسين
الله عليكي
يا ايفرجرين
عرفنا مين المصريين
بقلمي د. عبدالحليم هنداوى
عاشت القنال وستبقى أفضل ممر مائي فى العالم يوفر أغلى شئ فى حياة الإنسان الوقت والأمان.
ليست هناك تعليقات:
إرسال تعليق