خلاص مالناش نصيب ...79
خلاص مالناش نصيب مادام الفتنه سيطرة ع العقول من الحاقدين
كرهوا فين الرؤساء والمشرفين ومافيش حقوق وكمان مطرودين
والكل أوام وبسرعه بيشيل حتى لو عارف انك طيب برضوا وقت الجد تلاقيه فرعون
مع الرغم عشرتك معاه أيام وشهور وسنين لكن النتيجه ف النهاية ضدد الطيبين
ينقطع عيشنا ونفضل دايما مجروحين إذا كان من اخ او صديق او شخص غريب والكل مكارين
عند القوي يعملوا بالهم مش شايفين وعند الغلبان ماسكين سكاكين
مع الرغم عارفين ومتأكدين أنهم مالهمش ف اللف والدوران وع شغلهم محافظين
لكن تعمل ايه ف الناس التافهين اللي مالهمش كبير وع الضعيف شاردين
كرهوا فينا طوب الارض وأولهم الروساء والمشرفين وحياتنا أصبحت محصورة بين سطرين
لا عارفين نروح شمال ولا يمين يجبروك من غير مقدمات ف عز ما احنا تعبانين
والكل قايم علينا من الصغير للكبير وف أعمالنا مش مرتاحين
نفضل ندور ونسعى ونقابل وشوش والعمر بيجري ماتعرفش ازاي وبرضوا نفس اللي عدى عليك وخلاك حزين
نعيش طول عمرنا مجروحين ومن بيوتنا مطرودين واكل العيش أصبح ف ايدنا زي العجين
لا نعرف نأكله ولا حتى بيه عايشين في نعيم تلاقي شخص واقفلك وعايز يضيع عرقك وشقاك ف جملتين
ياه لو نسامح ونرضى رب العالمين وقلوبنا مليانه بالخير ونراعي حقوق اليتيم ونفرحه ولو سنتين
ونكون سند له ومافيش حقد ولا غل ونعيش معاه بالمعروف ومعاه مخلصين
لكن تعمل ايه ف طمع الرجاله والحريم وأصحاب المال والنفوذ وماحدش مراعي شعور الأخرين
لكن للاسف هانفضل كده موجوعين من الصغير والكبير وأصحاب المال والنفوذ ودايما محتاجين.
يارب انت اللي قادر تنجينا من ظلم الشياطين اللي فاكرين نفسهم اساطير ونجوم وعن الناس مسؤولين
وكرهوا فينا الرؤساء والمشرفين ودايما بظلمهم لينا ف طريقنا بالسنجه والمطوه وطولة اللسان واقفين...
مع فارس الكلمه/ الشاعر طاهر مختار عتيت
شاعر العصر. الاحساس و بس
كفر الزيات....اكوه الحصه
ليست هناك تعليقات:
إرسال تعليق