شكون انت
شكون أنت و شكون تكون
كلنا من خلايق رب هدا الكون
شكون تكون وعلاش انت هنا
ولا غير عايش على القوت حتى تفنى
شكون أنت واش من ريح جابتك هنا
ولا شي واد جرفك مع الجدور الراشية
شكون أنت و شكون تكون
هدي غير دنيا حالفة لشي واحد ما تدوم
شي طامع وشي عايش بيها مفتون
شكون أنت مرحبا إلا كنت مرسول بالمعنى
شرح لينا ما بين الكاف و النون
ولا عايش غير انت و عقلك مسجون
شكون أنت غادي غادي ولا بد
واش خليتي من وراك شي أتر في هاد الكون
ولا غادي كيف لي ما كان ليه في الدنيا كون
شكون أنت وشكون تكون
عبد الكريم خلان
ليست هناك تعليقات:
إرسال تعليق