( ليه يا بلدي)
بقلمي الشاعر/محمد غبن
شاعر آل غبن وسفيرا للسلام الدولي
13/9/2021
ليه يا بلدي شايفك زي ماتكوني
مضايقه مني وبتدوسي عليا
وانا اللي حبيتك حب محدش
حبوا ليك في الدنيا ديا
أصل شايف زي مايكون كدا
حد قايلك شئ فبتبعدي عني
مقولتيش لنفسك إزاي أصدق
عليه بالذات وهوا حته مني
شايفه حبه من زمن مخلص مش
تابع لحد دا هوا اللي شال همي
وقت ماكانوا العدا بيتربصوا
وعايزين يحتلوا ارضي وزمني
كنت شايفه الإخلاص وكان
باين وحسيته بقلبي
طيب ماإنت عارفه كل حاجه
نسيت اقولك افديك بدمي
بس عاتب إزاي تسمعي لأي حد
يزعزع الثقه من جواك ياأمي
مش برضوا أنا من
ولادك نبض روحك وحياتك
نسل ولادك اللي مرتحش
بالهم اللي أما حفروا قنالك
بسواعد مخلصه داقوا الذل
لجل تكوني رافعه راسك ومقامك
بس ياريت بلاش قسوه
و تقفلي في وشنا ببانك
دا انا حتي معروف عني
عمري ماكنت في يوم جاحد
مش انا ياغالية اللي ينكر افضالك
فبلاش تقلبي وشك ولا عايزاني
اركع أو اكون ليك ساجد
عمري ماهركع أوأسجد إلا للأحد
الواحد
مش كفايه عايش جواك
وبقيت بحس إني غريب
أو أي شخص مش إبنك
ولا منك وعليك وافد
وللأسف بتكرمي فيه لكن انا
خطوتي فيك محسوبه
ولا إنت خلاص إتغيرت وبقيت
بتسمعي جواك اللي بيعاند
إرجعي تاني ورجعي الهويه
متخليش شبابك طالعين للدنيا
تكون سهامهم ضدك
وتموت من جواهم الوطنيه
صدقيني برغم اللي شايفه بس
قلبي وحبي بقدمهم سنه وفرض عليا
ليست هناك تعليقات:
إرسال تعليق