قصيده بعنوان (من غيرك نشكيله يارب)
وبقينا هموم ماشيه ع الارض
في الشوارع طول وعرض
طفح كيلنا والله يارب
حتى النفّس خنقه وجض
من غيرك نشكيله يارب
اللقمه وقفت يارب في الزور
غرقتنا يارب الهموم
من الخِلفه انا محروم
ما نفع فيها دوا ولا طب
من غيرك نشكيله يارب
نرفع أيدينا ليك في السما
وان حياتنا صبحت عما
وعيشتنا سوده من غير ضنا
صبحنا بور كيف الأرض
من غيرك نشكيله يارب
يارب يا عالم بالحال
ضاع عمرنا في العيال
والصحه هلكها البرشام
اخرجنا بقا من هذا الكرب
من غيرك نشكيله يارب
محرومين يارب سنين
بالفلوس مش لاقيين
والدمع سااال ع الخدين
كيف النار بيحرق حرق
من غيرك نشكيله يارب
فرحتنا صبحت بالجرعه
وحياتنا نغمه ع الطبله
كل الناس بيها عارفه
كيف الفيلم في شاشه عرض
من غيرك نشكيله يارب
احلامنا تحولت كبوس
من الحرمان صبحت مهووس
حتى الفكر زاد في الروس
وزادت الخنقه ويا الجض
من غيرك نشكيله يارب
يارب يا مجبر الخاطر
على جبرنا انت قادر
صبرت كتير ولسه صابر
وبدعيلك في كل فرض
ومن غيرك نشكيله يارب
شاعر العاميه
نبض الصعيد الجواني
خليفه الابنودي
أدهم السمهودي
ليست هناك تعليقات:
إرسال تعليق