السعادة أحلى عادة
مهما تحكي وتحكي عنها
عايزة من الحروف اسطول
غايةو ملهاش وصول
السعادة كلمة ناقصة
حرف أوسط شيله منها
تبقا شارب قهوة سادة
هي ضحكة صافية جدا
في يوم كئيب فيه نحول
هي قلب وروح بيرقص
وقت جرأة لكن خجول
هي بسمة ويا غربة
بصعوبة من الروح تزول
السعادة دي عبادة لكن
مش اي حد بيأديها بالأصول
السعادة صانعة قلب وسط
موج عالي وتقيل الحمول
هي جمال ألوان غروب
لشمس غابت في الافول
هي راحة روح تأن كل يوم
من الاهات اللي تتشبه بغول
هي تشبه قلب صافي ماشي
وسط دنيا طريقها شوك وحافي
لا بيهمه انتقاد من دول ودول
ليست هناك تعليقات:
إرسال تعليق