////////++وحنا ف حماك++////////
وحنا ف حماك يامولانا
طالين منك سرار الهانا
وا هذ لعجب ومنين جانا
وا في حالو ياك خلانا
هازين كفوفنا صغير وكبير
زادنا هذ لوبا شحال كثير
واش من عندك ولى م الغير
بعد اعلينا هذا الضر
وا صاب لكثير في هذا العصر
فات لعواصف اصقيع وحر
ياربي عاونا بالنصر
غير سمح لينا لعصيناك
وا ثوب علينا لنسيناك
اهجرنا عبادتك وهجرناك
وحنا حنا للي عاديناك
ربي عبادك ياك بين يديك
قدامك مولاي بين عينيك
كلنا مادين يديهم ليك
ونجاتنا ربي ماتعييك
بقلم صقر الحروف الزجال المحجوب بوسبولة
ليست هناك تعليقات:
إرسال تعليق