(((الحب بآخر زمان)))
/////////////////////////////
قالتلي شلونك ياشب
ورمتني بغمزه من العين
نار حبا بقلبي شب
ومشينا بدروب الحب
ما متلي ومتلا اتنين
ياسلملم سلم ياقلب
على مهل شويه أنضب
أقلا وتقللي صعب
هاتي بوسه حتى لودين
وعرقي صار ينزل صب
ومطيت اشفافي شبرين
انشالله تهاوديني يارب
هات عمله أرش ع الجنبين
وع المفرق بآخر الدرب
قالتلي أضروب فرين
/////////////////////////////
قالتلي أفرقني وروح
مادامو صابك إفلاس
قلتلا قلبي مجروح
ومن هجرك شو مر الكاس
قالتلي لو مهما،،،تنوح
ماتحرك فيني الإحساس
هي كلمة أنتي الروح
وبسماتك لولو والماس
أنساها لك ياسنكوح
ع باب قلبي حطيت درباس
وسورتو ماعاد مسموح
تقربلو يا أبن الناس
بتعذيبك قلبي مشروح
وشيطاني ضحكتو شبرين
/////////////////////////////
ونصيحتي للي عشقان
يكون واعي ياوللا بطب
يدير بالو هدول النسوان
يفهمهن؟؟! ولايمكن صعب
المحبه بس للجزدان
من غيرو لايظن في حب
كل حلمو بيطلع دخان
وهموم وآهات وكرب
الحلوه قلبا باب خان
ومشررع على شرق وغرب
لوتقللي آن الأوان
تفهمني اقلك وبعدين
/////////////////////////////
شعر ؛ نذيردهان
ليست هناك تعليقات:
إرسال تعليق