////////++شفت الجوقة++////////
وانا للي ماشي وسط الناس
وظهر ليا نار وذخان
شفت الجوقة ياك شفت الناس
اهنا وهناك في داك عنوان
خادني حب لستطلاع نعرف
اشيوخ وبنات صغار وكبار
هادشي ماغريب مايتلف
قدامي ولقيت فحم شاعل
والحاضي واحد من لبشر
شلى داير وشلى فاعل
والناس شاهدة ومن هناك حضر
ملي قربت اسمعت طرق
صدق ماتصدق صابني الخوف
ظنيتو قرطاس يطرطق
وانا بالخلعة ياك معروف
سولت قالوا تجنى ف لفجر
والناس تخثار كبالة وزوج
وحدي ف صمت وبديت نكبر
والمارة بعيونها تفرج
والناس عليه داير ة جماعات
شفتو بام عيني يتحرق
ديك صوات طرطيق مسموعات
والشواي بيديه كيفرق
هذي لكبالة ما دايرة
عشاقها بالشوق محثارة
شظيات لفحم راها طايرة
وجوارحي لا ما مخثارة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق