(( مسامرة شعريه))
//////////////////////////////////////////
الجوع كافر
//////////////////
قالتلي شو قولك
قلتلا سكرني حبك
كأني شربت خماره
ابتسمتلي قالت
حبك بقلبي نار
وبعدا مابعرف ليش
فكت قفل زنارا
//////////////////////////////////////////
أمر طبيعي
////////////////
شفت الهنا ماشي
ووراه طبول و زمور
وفقري هالفاشي
بسوطو عليي يجور
مابين مرتشي وراشي
ت يوصلوا لقصدن
باعولي فراشي
وقالوا عليك مقدور
/////////////////////////////////////////
كلام مدوزن
////////////////
مافي دين بقول انهاب
ولا في دين بقول اغدور
كل الأديان م الوهاب
بتمنع ظلم بترفض جور
محمد وعيسى الأتنين أحباب
الكل بيهدي لدرب النور
/////////////////////////////////////////
غلط بالعنوان
////////////////
دق ع بابنا شيخ المحشي
حالا زلغط ورقص كرشي
أتاريه غلطان بالعنوان
وجايه لبيت الجيران
يادموعي ع خدودي رشي
//////////////////////////////////////////
الله لايبهدلنا
///////////////////
لعب بعقلو شيطانو
وقللو قوم
سوسو حلوه وصبيه
بتجلي الهموم
راح لعندا وغمزها
ردتلو الغمزه بكف
ومن وقتا المسكين
عيونو صايرين خصوم
((الله محيي بنت حارتنا))
//////////////////////////////////////////
أحلى عاروس
/////////////////
حلب عروس المجد
والمجد عريسا
شامة ع خد الكون
أحلم بتبويسا
متلا مايوم حبيت
يشهد علي الله
رايتها عاليه لفوق
ومحال تنكيسا
/////////////////////////////////////////
اصبر لا بد ماتفرج
//////////////////////
دقيت ع باب العم ايوب
أشحد منو شوية صبر
قللي روح عن ذنبك توب
ربك وحدو صاحب الأمر
//////////////////////////////////////////
شعر ؛ نذيردهان
ليست هناك تعليقات:
إرسال تعليق