هلال العيد
...................................
هل علينا هلال العيد
وشموع بهالليلة تئيد
كل عام وإنتو بخير
..............
يلا هاتو العيدية
يا جدي وعمي وبيي
تا إنده كل الأصحاب
وشوف الدنيا وردية
...............
رح عايد كل الإخوان
جولي وتيم وبيلسان
نمرح بيساحات العيد
ونغرد أجمل ألحان
...............
ماما يا أغلى إنسان
يا وردة بأجمل بستان
إنتي وبابا نور العين
هدية من عند الرحمن
..............
شوفو الليل مشعشع نور
وروايح من أحلى عطور
ضيافة قهوة وحلويات
والزينة باقات زهور
...............
وطني يا أغلى الأوطان
وترابك لولو ومرجان
كل عام وإنت بخير
يا زينة كل البلدان
......................................
ملك محمود الأصفر
ليست هناك تعليقات:
إرسال تعليق