الثلاثاء، 18 يوليو 2023

بقلم ... الشاعر المحجوب بوسبولة

 //////+++واش قالوا+++//////

واش قالوا عليك ياديك لحروف
مالهم هكذا عايشين في خوف
ربي يرحم للي علمنا
ليك الله ياللي مافهمنا
ماشي وحدهم للي كيعرفو
ف الميدان وحدهم كايتصرفو
وانا قبلهم تلفاز شاهد
لبريهي وفنانا اكبار
عرس الماضي شافتو كل دار
مالهم عايشين في خوف
وا حالهم يرقص لقرافب ودفوف
احروفي خايدة سر مكانها
عارفة ميلادها وعنوانها
نقسم بالله حروفي ماتحقد
مازالة ف السير لا ماتحسد
بوح كرمة الثين مدلية
فوق الثربة ديك لمسلية
وبكل مافييه مسليني
من وسخ بعضين ومهنيني
مقيوسين في وهم هبالهم
خليهم تايهين ف حوالهم
ربي يرحم للي علمنا
ليك الله ياللي مافهمنا
نور لقصيدة ساطع جديد
امسافر في دنيتو ماعنيد
مرة كيداعب السربات
مرة مرة يصنع النهدات
فيدي ليميين كيسان لحليب
ومبيخرة حاملة سرار طيب
بقلم صقر الحروف الزجال المحجوب بوسبولة

ليست هناك تعليقات:

إرسال تعليق