//////+++واقف+++//////
واقف شاد سيجارة فيديه
ربي يعلم اش جاري له
يتفكر الماضي ف الحاضر
وشحال جامع هذا الخاطر
سابح ف بحر مواجو افكار
كايهدم صحتو ياك بلاش
اش من حال له نسال كيفاش
ف خيالو يكتب اقوافي
ينطر صدرو عامر عوافي
وا تايه ف خيال الفقسة
حالو ياسيادي ما يرسى
ف التفكير ياك زايد ويزيد
يمشي ويجي ف عالم فريد
سيجارة وحدة ماكفياه
ربي مولاي ويكون معاه
امثى يعفو عليه مولانا
يرجع يلقى لهنا معانا
بقلم صقر الحروف الزجال المحجوب بوسبولة
ليست هناك تعليقات:
إرسال تعليق