ناس...
ناس تايهه وسط الزحمه ودموع حيرانه ودموع مضايقه
وناس مجروحه ومش عاملين حساب حتى للفرحه
عايشين وخايفين دايما من بكره وكل يوم مشكله ع باب بيوتهم واقفه
فقدوا العقل والحكمه حتى الوقت ف نظرهم مالوش لازمه
ومهما كافحوا وتركوا بيوتهم النتيجه واحده والظلم بالجمله
دا غير العداوه والكره اللي موجود بين الناس كل لحظه حتى ف وسط الشارع والسكه
واللي شايل سكينه ومطوه واللي خايف يدخل مع الناس ف منافسه
بيفضل العزله والغربه وكل شيء بالنسباله أصبح حبر ع ورقه
دايما مشغول بأفكار هي هاتكون سبب وصوله والقضاء ع فشله وحبه للماده
لكن الرزق بيد الله مهما صرحنا وقولنا والخوف عمره ما كان عقبه
يبقى ليه نغدر ببعض ونقسى وعارفين ان لينا رب كريم ف لحظه ممكن يسعدنا
ويرسم الفرحه داخل قلوبنا حتى لو ف يوم من الناس انجراحنا
وعشنا الظروف الصعبه دا المكتوب مكتوب مهما طلعنا ولا حتى نزلنا
احنا مش هانخد غير اللي ربنا كاتبهونا واحنا اللي بنختار طريقنا
وع حسب نيتنا ربنا بيرزقنا حتى لو عن بعض افترقنا
يارب هون علينا واسعدنا وبالايمان نجينا وانصرنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا ويذكرنا باللي خلقنا ويداوي همومنا وأوجعنا......
مع فارس الكلمه... الشاعر طاهر مختار عتيت
شاعر العصر.... الاحساس و بس....تحيا مصر
طنطا...... كفر الزيات.....اكوه الحصه
ليست هناك تعليقات:
إرسال تعليق