الورد بينده عليك
عايز عينيك تبصله
والقمر نوره بيلاغيك
غاوي عشقك يوصله
وحبيبك قلبه مستنيك
يا ريت عن هجرك تفصله
قطر السعاده بيناديك
حاول ياغاوي تحصله
***
بص على جمال الورد
هتلاقي روحك تروق
اما النظر للشوك
يفكرك باللي خانوك
النظر للصبار مرار
هتحس تطعمه في الريق
لو بصيت لشعاع القمر
ضيه يمنحك الهدوء
يصحى جواك الشوق
تعدي الاحلام عليك
***
في كل بصه قصه
تغير جواك أحساسك
إلاحساس حسب النظره
بينهم في الشعور تماسك
......
بص على بستان الورد
هتلاقي عطره يبوسك
دور على النور بعينيك
هتظهر في سماك شموس
وتقدر حسب النظره
تغير يا جميل طقوسك
أنتهز ياغاوى الفرصه
وخلي السعاده تونسك
......
خلي للجمال لحظه
يلون بجماله عينيك
خلي للجمال مرسي
على شط أحزانك
أصل الدنيا مناظره
والنظره فيها عنوانك
*****************
وحيد احمد
ليست هناك تعليقات:
إرسال تعليق