زجل
(دلعك ماسخ)
دلعك ماسخ ملهوش طعم
جوايا راسخ العقل الهم
ولا إنت سامع ولا بتفهم
زمني إبتدى عنتر عبسي
أقولك كدا تمشي عكسي
من دا ودا عذبت نفسي
دمي إنتهى وماعندك دم
دلعك ماسخ ملهوش طعم
الفرحة دار بتحب زعلي
شربت المرار آاه ياغلبي
في حضني نار نار بتغلي
منك ياجار كرهت أضم
دلعك ماسخ ملهوش طعم
إعشق لوحدك حب فات
غرامي بعدك . ذكريات
قلبك عندي مليان سكات
وقلبي عندك حجر أصم
دلعك ماسخ ملهوش طعم
كلمات
حربي علي
شاعر السويس
ليست هناك تعليقات:
إرسال تعليق