بقلم الشاعر محمد لبيب مصيلحي //مجلة بصمة اليراع للمبدعين....

 عمر اللى فيا من ألم...

ولا اللى فيكى من ظنون....

يخلينى أحس من الندم...

أو في يوم ليك أخون..

أعتذر....

وحلم عمرى من الكلام..

حسن الختام..

على فقدان نفسى فى الحقيقة..

على فقدان حلمى فى السلام..

ورغم اللى كان...

ومن اللسان...

وضياع عمرى اللى إنتهى...

كل طلبى من البشر...

رحمه ودعوه من الغفران...

أسف وأسفى على الحنين..

على كل ثانية من السنين...

كنت فاكر نفسى حاجة...

لاكن طلعت أسوء الموجودين...

يا ظلم ما لاقيت غيرى أنا...

تظلمنى وتبعدنى من الرضا..

خلاص سايب نفسى للمهالك...

وأصبحت مستنى لحظة المنى...

تجمعنى باللى سبقونى هناك...

يمكن الاقى الروح معاهم..

فى قبرهم...

وياخدونى بالحب فى حضنهم....

وداع ياروح من الجروح...

كفى يا نفسى لوم ولوم..

على اللى صابنى من هموم...

يارب ماليش غير كلامى...

ادعى بيه كل يوم..

سلام يابشر...

ياقلوب حجر..

من اللى يقول ويبكى...

على فاته من السهر..

.............

محمد لبيب مصيلحى