//////+++ياسارق لحروف+++//////
ياللي ماعندك علاش تحشم
تاخد فكار وتنسبها ليك
ف سيادك زايد تتكلم
موجة تجرفك لبعيد تديك
ياسارق لحروف براني
تضحك وتقول هذي كتابة
اغريب ف الجدبة كتعاني
تسحاب راسك عايش ف غابة
يمكن مرة تعدب الخاطر
عاقو بك ماتنفعك سرقة
ياغريب لمحلة مالك حاير
دابا يزول الغيث والبرقة
لحروف معروفة بجوادها
والنغمة تعرف سر الموال
والكلمة مسايرة اسيادها
ماشي غير جي ورسم لقوال
بقلم صقر الحروف الزجال المحجوب بوسبولة
ليست هناك تعليقات:
إرسال تعليق