هم النفس
بقلمي / عبدالحميد السماحي
حطيت راسي مع الروس
هما ناموا وأنا لأه
بقيت زى الساقيه بتروس
تدي لغيرها وهى لأه
شلت جبين الهم العالي
من المراره قلبي شقه
حرتي صارت للجيوش
يحرروها من المشقه
من إنكسار الدنيا تشمل
تاخد من الغير حقه
تشرب مياه السما وتحكي
وعند الحر بيه ماتلقى
الكل رادغ لفتراها
وإيدي متشبكه رافضه
يادموع الهم عني سيري
إتحديدي فى أى خلقه
إكسري قلبي الحزين بجروحي
غني بيه منين مايفضه
فين دى روحي فين صفاها
أشفطيها فهى شفطه
ياينام مع الروس اللى ناموا
يايقابل ربه وهى شربه
* ** *
مش خساره فى الموت أموت
ما انا أنخلقت ليه وللقدر
بس بتصعب علينا الدموع
نمشي نتخبط فى الشجر
لقمة العيش بالحيره مذله
قولي ليه نركب الخطر
علشان نعيش يجي المطر
علشان حصون الخير بنفدي
ومين يموت عليه ننفطر
مين يقدر عالغيب ينجم
علشان نعيش لازم حظر
* ** *
ياليل الهم عدي
ياجزور الفجر تعالي
خليني أخد ماسبشي
حقي وكل اطهادي
سهران أنا ومبنمشي
وأقول ياواد دا عادى
ياشوك بيشكشك ضلوعي
يادهر كفايه تطاطي
من الآه وجعت درسي
واللسان صار يهاتي
ياخطاط أكتب ودون
عالحطان كل حياتي
أكتبها بفرشه خضره
علشان يشفوها الأعادي
يتمنوا مني نظره
خلاص ماينفعشي الساعه دي
* ** *
شغلاني وشغله نفسك
على اللى بيجيه القدر
أعمل أيه ماهو دا حظي
وأعمل أيه فيك يامنحدر
أما أموت أبقي ماشي
أكتبها عالشجر
وقولي دي حياته
خدو منها بس العبر
وقولي دي حياته
كفايه عليه كده يابشر
ماهو خيره كان بقسوه
زى ندى الشجر
* ** *
ياطيور النخل العالي
ميل وأسقي الحمام
علميه الزاي يصحى
علميه الزاي ينام
ويتمنى الرضا يرضا
يبقى حمامة سلام
ساعتها الروس هتصحى
ومعاهم هو ينام
ويبقى مع القدر
بقلمي
د / عبدالحميد السماحي
مصر 
محافظة كفرالشيخ
محافظة كفرالشيخ قرية الشمارقه
ليست هناك تعليقات:
إرسال تعليق