*** ليلة العمر ***
ليلة مليحة وما ننساها
تلموا فيا حبابي الكل
عروستنا ماشاء الله عليها
مسرارا وزينها إهبل
مقدية وقدها واتاها
سلبت عقول المحفل
تدرج ثابة في خطاها
سلطانة تحكم ما إتزل
الحضارة يتباهوا بيها
زينها من الأبعاد إطل
بنتي العروسة محلاها
جبناها في جحفة على جمل
الحفالة إتبع فيها
زغاريد وقصبة وطبل
وصلت وهبطناها
كرسيها بالورد وفل
مضخمها بنتي وما أبهاها
شهد إقطر بالعسل
لعريسها سلمناها
فرحوا بيها أهلوا الكل
إميمتها تسمل عليها
زغاريدها دايمة لا تبطل
الأحباب الكل إتهني فاها
فرحانة والدمعة من العين إطل
فرقتها عازة عليها
الحمل على القلب ثقل
ربي يسعدها وإهنيها
ويرزقها من الخير الكل
كيف ما خذيت بنت الناس بنتك تعطيها
هكة قالوا ناس قبل
+++ من أقوال عزالدين البعزاوي، الشراردة تونس +++
ليست هناك تعليقات:
إرسال تعليق