.......عشق لا يموت........
أخخخ يابا مل الوجع مني
والصبر بالروح الف عني وعني
والهجر طال والدمع فر مني
وشريان الشوء حرق ظني
وجدران البيت بإسمك حنين تغني
غيابكم طال والطير بكي عني
واللسان نطق شتأت لطلتكم غصب عني
وغنيت اسم عارف والدمع موج بحر سال مني
وناديت اسم احمد والقهر ظللني
وسمعت طير الوروار هتف سامية والصمت حيرني
وتفتحت جروح والدمع خانقني
وبدر وجهك يا عارف بلون الشهد وعشقي الك تاعبني
ونور الفجر طل من وجه أحمد بالصلاة بذكرني
وجيفارا نادت ياجدو الشوق واجعني
شتأت لحضنك وطول الغياب سهرني
سنين غيابكم عني الفرح هاجرني
وموج العشق لوفاء بالجمال ذكرني
جيفارا عيني اليمين الطريق نورني
وفاء عيني اليسار جوات القلب بالنبض ينظرني
أحفادي العين ما شافتهم ومين يطمني
رح يرجعوا لحضني وشقاوتهم بالفرح تطيرني
معؤول شد الرحيل ومن ضمهم لصدري يحرمني
ويصير ضريحي متل طير غريب ولحباب تهجرني
..................
...شاعر فلسطين...
....نبيل شاويش...
ليست هناك تعليقات:
إرسال تعليق