مش باقي معايا غير كتاب
مكتوب فيه سطرين حب والباقي عتاب.
مرسوم قلب يا ما دقت عليه طبول واتقفلت عليه ابواب.
قلب رفض الجميع وحبك من غير اسباب.
مش باقي معايا غير خلصه شعر من ضفاير منك.
ورقم تليفون ليكي وتاريخ ميلادك وسنك.
مكتوب على الغلاف سر سعادتي وعذابي.
هومشك مرسومه بدموعي وفرحي واكتابي.
عدد صفحاتك كتير.
مابين حاضر وماضي وبين تفكير.
كتاب اتركن واتسجن بدون تقرير.
محدش يعرف ايه جواه
غير القلب اللي اتكتب بدمه وطير ورقه هواه.
اكيد فيه عدل.. علشان اتظلمنا في المساواه.
تفكير وذاكره بتفكرك بيها وبتنسيك جميع النساء.
لسه بتحلم بيها مع أن بقا لغيرك الولاء.
ورفعت على قلبك رأيه الجلاء.
ونسيت تعبك ووصفك ليها بالحسناء.
لسه قلبك بيجبر قلمك انو يكتب عنها كمان اجزاء
كلماتي كريم كمال
ليست هناك تعليقات:
إرسال تعليق