من كتاباتى
هشام عبدالله
......
لو نويت
.......
لو نويت يكون ليك ذكريات
فى حياتى معايا وحكايات
متسألنيش بعينيك على اللى فات
دا... اللى فات هو انا
واحساس جوايا مات
وانت دلوقتى ليا النهارده
واللى جاى واللى أت
انت ضى جاى من زمن
مستنيه بأشتياق ينور طريقى
بعيون فيها حب وحاجات
بس اوعى انت
تزرعيه باشواك تجرح
ليك سطور واسميها
بردو حكايات وذكريات
......
لو نويت يكون ليك ذكريات
فى حياتى معايا وحكايات
اشغلى مكان ليك
جوه فى قلبى باعتدال
وخلى فى عيونك ليا نظره
لما اشوفها تخلى
القلب ليها يفرح
مهما بعدك عنه طال
وافردى عليا شعرك
دا عبيره ليا نسمه و عنبر
وفى سواده قمر منور
يخلى قلبى والله
دقاته طايره لحد عندك
بس انت لو نويت
يكون ليك ذكريات
فى حياتى معايا وحكايات
متسألنيش يا حبيبتى
على اللى فات
دا.. اللى فات هو انا
واحساس جوايا مات
وانت حبيبتى دلوقتى
النهارده واللى جاى
......
ليست هناك تعليقات:
إرسال تعليق