هلوسات
**************
**************
اش احكيلك يا أمي
ضاع الجوال
صرت شريد بهالدنيا
وحالي حال
ارقام أحبابي نسيتن
فين بدي اروح
ضايع شارد متبهدل
صدق اللي قال
**************
قاعد صافن أتذكر
أرقام الأحباب
سبعه تمانيه
لأخمسه و٣ ستات
نعم والله
ماشردني إلا الستات
يا ويل ويلي من عشقن
شفت الأهوال
****************
ضروري ولازم أتذكر
يا ترى قديش
نعم ياستي بالعشرين
سحبوني ع الجيش
سميره حبيبتي من غيرا
مابيحلالي عيش
آه لو أشوفا وأسألها
كيف الأحوال
****************
يا ترى لسه بتهواني
اوقلبا مال
لغيري محبوب
في عندو
العز والمال
بلعن أما ع ابوا
ياحيف ع دلال
ومصاري صرفتن عليها
بيعبواشوال
******************
وبعدين؟؟؟!
بصحراء هالدنيا
فين بدي روح؟!
ماشي أفكر بجارتنا
حياة الروح
قللي عقلي يا زلمة
ماهو مسموح
مشيت أضحك
أترنم أدندن موال
***************
***************
شعر ؛ نذير دهان
ليست هناك تعليقات:
إرسال تعليق