................زى البشر........
انت محتل
بطبيعتك
وبجيوشك
تفرش القلب
بشريعتك
وببرااعتك
تعرف ازاى
الانتصار
لما تغضب
ينقلب الليل نهار
والنجوم بنشوفها ظهرا
والقمر تاه فى المدار
انت محتل
بطيبعتك
واللى مايقبل
ولايتك .او
وصايتك
يبقى قرر
الانتحار
كل شئ فى ايديك
متاح
ترمى سهم
فى قلب عاشقك
جاى بيترجى
السماح
تبتسم جدا
كأنك
واد محنك
فى المعارك
والجراح
وانت محتل
بطبيعتك
رغم كل الانفتاح
مش مهم
تشوف خساير
المهم تحس نفسك
فى النهايه
انك بطل
وان كل اللى انت
عاوزه
زى ماحسبته
حصل
وان قلبى فى النهايه
رغم عنده
اتأسر
انت محتل
بطبيعتك
رغم انك عادى جدا
م البشر.....................
اشرف الشناوى
شاعر عاميه
البرامون
المنصوره
ليست هناك تعليقات:
إرسال تعليق