شايفك
...........
شايفك
بين ورق الورد سكنك
فى غصن الورد شريانك
من نعومه الورق بدنك
من كرم عبيره حنانك
ومحظوظ أنا بحسنك
جناينى جوا بستانك
كفايه أيدى تلمسك
وعينيا تتمتع بجمالك
من كتر تفكيري فيكى
بقيت أتمنى نسيانك
......
فى عز الصمت صوتك
مسموع
والعيون شايفاكى تمللي
ربيع
أصحى وأنام شوقى
مجموع
فى ركن من أركان
بستانك
...........
شايفك قمر تمللي بين
النجوم بتتمختري
من روعة و جمال رقتك
قلت للشمس أتأخري
وأتمنيت الليل يطول
في عشق قلبي تسهري
أتمنيت أكون طفلك
مايفارق لحظه أحضانك
***************
وحيد احمد
ليست هناك تعليقات:
إرسال تعليق