( إنتهى عصر السند )
أخ إيه ياعم فوق
دا السند أصبح خازوق
واللى قال كتف ودراع
واللى قال أهلك لاتهلك
قوله عالج يابنى جهلك
الزمن دا غير الزمن
كله باع وقبض تمن
وإتقطع حبل الوصال
كله شايف نفسه صح
كله شايف نفسه عال
يبقى ليه تسأل تملى
إيه جرالنا ليه حالنا مال
السبب معروف وواضح
والضمير صريح وفاضح
حسبى الله فى اللى جرح
واللى عاير واللى خان
حسبى الله ضميره ميت
فى الحياه عايش جبان
تحياتي/
مدحت لطفى عبدالعال
ليست هناك تعليقات:
إرسال تعليق