(يا كرسي المناصب)
عاوز أقولك كلمتين
هو إنت ناسي ولّا غافل
ولّا عارف كام ومين؟
وإن كنت غافل أعَقلَك
إهدى وهدّي بَرْجَلك
ماشي خبط شمال يمين
بُكرة جَي
عن كل حاجة يسألك
واقف تِباهي عليه مِدلدل
فارد ضِلوعك والإيدين
هتلاقي ضحكة و سقفة تِخبل
فيها صدق ولاّ كذب
فيها حقد ولاّ حُب
حاجات كتير مِخَبيين
طول ما انت قاعد على المِنصّة
عيون عليك بألف بَصّة
تقوم تجلجل
يقولوا كَمّل
أرض رَخوة
مافي نَخوة
بكرة ينزل
لغيره تغزل
ما قلتلك يا عم لِينا
فاكر يعني الدنيا لِينا
يوم ورايح تاني جَي
يوم عليك يوم علينا
بقلمي:د/نجوى رسلان
ليست هناك تعليقات:
إرسال تعليق